అమ్మ అమ్మమ్మైనా అమ్మ దగ్గర గారాల పట్టీయే
అమ్మచెంతన మమతానురాగల లాలన పాలనలో
మనసు సుతారం తేలిగ్గా, హృదయం హాయిగా
బరువుబాధ్యతల్ అమాంతం మాయమైనట్లుగా
అమ్మనాన్నల సంరక్షణ మన చుట్టూ ఉన్నట్లుగా
ఈ లోకం, సమయం అంతా మనదే అన్నట్లుగా
కంటినిండ వెలుగుతో ఏదోకొత్త బలం వచ్చినట్లుగా
మృగ్యమైన స్వేచ్ఛా వనంలో విహరిస్తున్నట్లుగా
జింక పిల్లల్లా , లేగ దూడలా, సెలయేటి అలలా
కమ్మని కలలా కిలకిలలా సలిల తరగల నురగలా
