aakumadi

 ఏపుగ వరి నారు

పిల్లగాలి తెగ హుషారు

లోలోపల సంబరం పొలమారు

ఇది తొలకరి తరుణ జోరు, పైరు

భూముల పచ్చదనాలు అలరారు

palakarimpu

 ఒక పలకరింపు మువ్వల సవ్వడి

ఒక పలకరింపు చినుకుల జల్లు

ఒక పలకరింపు ఒక ఆత్మీయ బంధం

ఒక పలకరింపు గుండెధైర్యం

మనం ఒంటరి కాదనే మనోనిబ్బరం

చల్లని ఎండలా, వెచ్చని చలిలా

మనసు తేలికగ, ప్రాణం హాయిగ

ప్రపంచమే మన వెనకున్నట్లుగా

ఓ పలకరింపు ఓ చిలకరింపు

ఓ పలకరింపు ఓ తొలకరింపు

కళ్ళకు జోడు పెట్టి

కాళ్ళకు మేజోడు కట్టిపెట్టి

సులువుకు కచ్చా కట్టి

సైకిలుకు జిన్నుగడ్డి ఇరగ్గట్టి

సాగిపోయే ఓ అవ్వా

నీ కాయకష్టానికి జోహర్

నీ తెగువకి, నిబ్బరానికి  జోహార్

నీ స్వేచ్ఛా స్వాతంత్ర్యానికి జోహార్

నీ తీరుకు నీపోరుకు జోహార్

నీ చేను పచ్చగుండ

నీ కంటిచూపు చక్కగుండ

నీ కడుపు చల్లగుండ

నీ ఆయువు మంచిగుండ

చివరగా చిన్న విషయం అవ్వో!!

ఆ రైలు పట్టలు మీద కాక

వేరే దారి చూసుకో అవ్వోయ్

Spring

తియ్యటి పుల్లటి మామిళ్ళు

అవకాయ మాగాయ పచ్చళ్ళు

పచ్చని ఆకుల్లో రంగుల పూవుల్లు

వెచ్చటి కొమ్మల్లో కోయిలల్లు,పాటల్లు

నేలల్ల జీవుల్ల తాపాల్నితోలు వానల్లు

వరదల్లు, పొదరిళ్ళు హరివిల్లు విరిజల్లు

Poor, migrant, vulnerable

కూలి బతుకులు నాలి బతుకులు
జోలి బతుకులు కాలే బతుకులు
శాపాల బతుకులు వాలిపొయే బతుకులు

రెక్కాడితేగాని డొక్కాడని బతుకులు
పక్క దొరకని బిక్క బతుకులు
అంతుచిక్కని బక్క బతుకులు

నడిరోడ్డు మీద దిక్కుమొక్కంటూ లేని బతుకులు
రైలుపట్టాలమీద చెట్టపట్టాలుగా చచ్చే  బతుకులు
వాహనలకింద పురుగుల్లా నల్గిపొయే బతుకులు  

బతుకు బరువైనా చావలేక బతికే బతుకులు
రేపుంటామో లేదో తెలియని బతుకులు
రామాకృష్ణాదులు అక్కరకు రాని బతుకులు  

ఎండకు మలమల మండె బతుకులు
ఆకలికి వలవల లాడె బతుకులు
కలకాలం కలకలంతొ బతికే బతుకులు

గవర్నమెంటు మెసేజీలతో పనిలేని బతుకులు
ఏ జీడీపీలు ఏ ప్యాకేజీలు ఆదుకోని బతుకులు
లాకప్పో లాక్డౌనో మరేంటో తెలియని బతుకులు  

నలత బతుకులు కలత బతుకులు  
అతుకుల గతుకుల బతుకులు
రోజువారీ బతుకులు వలస బతుకులు

Myriad flowers and colors

నవశిశువుల అరికాళ్ళ వేళ్ళలా

బామ్మల పాపిట బొట్టులా

నిండుగర్భిని నగుమోములా

వధూవరుల మొదటి కలయికలా

ముత్తైదువ పట్టంచు చీరలా 

పిల్లలగుంపుల కిలకిల నవ్వుల్లా

శాస్త్రీయసంగీతపు రాగభావంలా

ఆందెల లయవిన్యాస రవళిలా

కన్నెయీడు పరువంలా, ఆశలా

ఇష్టసఖి అనురాగపు పిలుపులా

ఆత్మబంధువు అప్యాయతలా    

పాల నురుగుల్లా, తేనెతరగల్లా

ఈ నేల వర్ణోద్ధృతి అపారం

అమోఘం అపూర్వ నయనానందం

వెల్లివిరిసిన హౄదయోల్లాసం       

ఆధ్యాత్మికం చిదానందం

Time and grow

We call it we are growing

We call it we are growing old

We call it we are getting wiser

We grow with them and they grow with us

We call it adolescence when kids are growing

We sense it in the hoarseness of their voices

We see their tantrums transform into firm opinions and persons

We take in our stride when kids start pointing our eccentricities

We start taking pride in their persons and personalities

We call it by many names. We also call it the TIME.

Time, the healer, the revealer, the soother, the leveller.

The beauty lies in its continual flow and happiness lies in

Growing and flowing along with it.