అమ్మ అమ్మమ్మైనా అమ్మ దగ్గర గారాల పట్టీయే
అమ్మచెంతన మమతానురాగల లాలన పాలనలో
మనసు సుతారం తేలిగ్గా, హృదయం హాయిగా
బరువుబాధ్యతల్ అమాంతం మాయమైనట్లుగా
అమ్మనాన్నల సంరక్షణ మన చుట్టూ ఉన్నట్లుగా
ఈ లోకం, సమయం అంతా మనదే అన్నట్లుగా
కంటినిండ వెలుగుతో ఏదోకొత్త బలం వచ్చినట్లుగా
మృగ్యమైన స్వేచ్ఛా వనంలో విహరిస్తున్నట్లుగా
జింక పిల్లల్లా , లేగ దూడలా, సెలయేటి అలలా
కమ్మని కలలా కిలకిలలా సలిల తరగల నురగలా
వో మల్లి మరపించు పాలవెల్లి
సుమధుర సువాసనల మల్లి
యదనిండ సౌరభం వెదజల్లి
మనసాంతరాల్లో ఎక్కడో గిల్లి
వో అల్లిబిల్లి సిరిమల్లి జాబిల్లి
Grow for their sprouts and shoots
Grow them for their serrated leaves
Grow them for the grainy tiny stems
Grow them for their gripping tendrils
Grow them for their creep and crawl
Just grow them for their lovely green
ఏపుగ వరి నారు
పిల్లగాలి తెగ హుషారు
లోలోపల సంబరం పొలమారు
ఇది తొలకరి తరుణ జోరు, పైరు
భూముల పచ్చదనాలు అలరారు
ఒక పలకరింపు మువ్వల సవ్వడి
ఒక పలకరింపు చినుకుల జల్లు
ఒక పలకరింపు ఒక ఆత్మీయ బంధం
ఒక పలకరింపు గుండెధైర్యం
మనం ఒంటరి కాదనే మనోనిబ్బరం
చల్లని ఎండలా, వెచ్చని చలిలా
మనసు తేలికగ, ప్రాణం హాయిగ
ప్రపంచమే మన వెనకున్నట్లుగా
ఓ పలకరింపు ఓ చిలకరింపు
ఓ పలకరింపు ఓ తొలకరింపు
