నవశిశువుల అరికాళ్ళ వేళ్ళలా
బామ్మల పాపిట బొట్టులా
నిండుగర్భిని నగుమోములా
వధూవరుల మొదటి కలయికలా
ముత్తైదువ పట్టంచు చీరలా
పిల్లలగుంపుల కిలకిల నవ్వుల్లా
శాస్త్రీయసంగీతపు రాగభావంలా
ఆందెల లయవిన్యాస రవళిలా
కన్నెయీడు పరువంలా, ఆశలా
ఇష్టసఖి అనురాగపు పిలుపులా
ఆత్మబంధువు అప్యాయతలా
పాల నురుగుల్లా, తేనెతరగల్లా
ఈ నేల వర్ణోద్ధృతి అపారం
అమోఘం అపూర్వ నయనానందం
వెల్లివిరిసిన హౄదయోల్లాసం
ఆధ్యాత్మికం చిదానందం
No comments:
Post a Comment